Юбіляра павіншаваў рэктар універсітэта, прафесар Дзяніс Уладзіміравіч Дук. Ён выказаў шчырыя словы ўдзячнасці Барысу Дзмітрыевічу за плённую, доўгагадовую працу ва ўніверсітэце. «Ваша сумленнасць, творчасць, энергія заўжды натхнялі маладзейшых выкладчыкаў, былі для нас прыкладам для пераймання», — падкрэсліў Дзяніс Дук, уручаючы юбіляру Падзяку Міністэрства адукацыі Рэспублікі Беларусь, а таксама грашовую прэмію. Далучыліся да віншаванняў першы прарэктар Дзмітрый Сяргеевіч Лаўрыновіч, прарэктар па навуковай працы Наталля Уладзіміраўна Макоўская і прарэктар па выхаваўчай працы Уладзімір Віктаравіч Ясеў.
